Корхонанинг асосий фаолияти “Урганчтрансгаз” УК таркибига кирувчи барча магистрал газ қувурлари бошқармаларидаги мавжуд газ узатиш агрегатларини, энергетика хўжалиги ускуналарини, назорат ўлчов асбоблари ва автоматикаси ускуналари ва воситаларини таъмирлаш, ўрнатиш ва ишга туширишга тайёрлаш ишларини бажариш, шунингдек корхонанинг хизмат бўлинмалари автотранспорт техника воситаларининг ностандарт эҳтиёт қисмларини ва иш қуролларини тайёрлаш ишларини бажариш билан газ узатиш агрегатларининг узлуксиз ишлашини таъминлашдан иборат.
Шунингдек корхонамиз металларга ишлов бериш дастгохлари паркини максимал даражада тўла қувват билан ишлашини таъминлаш мақсадида Республикамизнинг бошқа худудларида жойлашган “Ўзтрансгаз” АЖ таркибига кирувчи бошқа корхоналарнинг техник усканаларини таъмирлаш ишларини шартнома асосида бажаради.
Корхона ўз имкониятларидан келиб чиқиб халқ истеъмол моллари ишлаб чиқаради ва аҳолига пуллик хизмат кўрсатади, шунингдек корхона таркибида ташкил этилган 120-150 ўринга эга бўлган “Хива Гулшани” болалар оромгохи бутун ёз давомида “Урганчтрансгаз” УК таркибига кирувчи корхоналар ходимларининг 600-800 нафар болаларига дам олдириш хизматини кўрсатади.
Корхона яқин келажакда қўшимча иш ўринларини очиш ва ишлаб чиқаришни кенгайтириш мақсадида янги пайвандлаш электродлари ишлаб чиқаришни йўлга қўяди.